Азияның ең бай адамы 165 млрд теңгеге той жасайды
![Азияның ең бай адамы 165 млрд теңгеге той жасайды Азияның ең бай адамы 165 млрд теңгеге той жасайды](/storage/storage/element/2024/07/12/mainphoto/112140/1200xauto_daa9RRHzi0TFDdz5PNWIBQ7NsBWtdGrKjI4DRPv9.jpg)
67 жастағы бизнесмен және Үндістанның ең бай адамы Мукеш Амбани ұлы Анант Амбанидің үйлену тойын барынша дарақылықпен өткізуді жөн көріпті, деп хабарлайды El.kz ақпарат агенттігі.
Бұл айтулы іс-шараға кәсіпкер 350 миллион доллар (165 млрд теңгеден астам) жұмсамақ.
The Indian Express басылымының мәліметінше, үйлену тойы бүгін, 12 шілдеде, басталып, үш күнге созылады.
Амбанидің қалыңдығының есімі – Радхика Мерчант. Ол Encore Healthcare деп аталатын ірі фармацевтикалық компания басшысының қызы.
Сол үшін қаладағы аудандардың бірінде қозғалыс шектеледі. Дәл сол жерде іс-шара өтеді. Бұл аудан көлемі футбол алаңынан 12 есе үлкен.
Ал қонақ ретінде Үндістан премьер-министрі Нарендра Моди, министрлер мен депутаттардан бөлек, Болливуд жұлдыздары, тіпті апалы-сіңлілі Кардашьяндар келеді. Қонақтарды алып жүру үшін үш бірдей Falcon 2000 ұшағы дайын тұр.
Үш күндік тойға барлығы 100-ден астам жеке ұшақ жұмылдырылмақ.
![Telegram](https://el.kz/static/site/images/tel26.png)