Азия чемпионаты: Су добынан қазақстандықтар қола жүлде алды
Еліміздің әйелдер құрамасы 3-орын үшін ойында Таиландты 14:5 есебімен тізе бүктірді
Фото: olympic.kz
Фото: olympic.kz
15.11.2022 02:20
1551
Су добынан Азия чемпионатында Қазақстан ерлер және әйелдер құрамалары қола жүлдегер атанды, деп хабарлайды El.kz.
Таиландтың Самутпракан қаласында өткен құрлықтық додада еліміздің ерлер құрамасы бүгін, 14 қарашада 3-орын үшін кездесуде Ираннан 8:5 есебімен басым түсті.
Топтық кезеңде А тобында сынға түскен ел құрамасы Оңтүстік Кореяны 6:5, Таиландты 15:4, Үндістанды 17:4 есебімен жеңсе, Иранға 10:11 есебімен есе жіберді.
Ширек финалда Сингапурды 18:8 есебімен қапы қалдырса, жартылай финалда Жапонияға 4:20 есебімен жол берді.
Еліміздің ерлер құрамасы Азия чемпионатында 2012 жылы чемпион атанса, 2009 жылы күміс, 2015 жылы қола медаль алды.
Ал еліміздің әйелдер құрамасы 3-орын үшін ойында Таиландты 14:5 есебімен тізе бүктірді.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Елордада Иннопром халықаралық көрмесі өтеді