Қазақстанның жеті облысында ауа райына байланысты ескерту жарияланды
Бұл туралы «Қазгидромет» РМК мәлімдеді
26 тамыз күні республиканың бірқатар өңірінде төтенше өрт қаупі сақталады, сондай-ақ тұман түсіп, найзағай жарқылдайды, деп хабарлайды El.kz порталы «Қазгидромет» РМК-ға сілтеме жасап.
Ақмола облысының батыс, солтүстік, оңтүстік бөлігінде найзағай жарқылдайды. Облыстың солтүстігінде түнде және таңертең тұман түседі.
26 тамызда түнде Солтүстік Қазақстан облысының оңтүстігінде, шығысында найзағай жарқылдап, тұман түседі.
26 тамызда күндіз Атырау облысында 35 градус ыстық болады. Облыстың батысы мен шығысында төтенше өрт қаупі бар.
Павлодар облысының солтүстік бөлігінде найзағай жарқылдайды. Солтүстік-батыстан соғатын жел екпіні найзағай кезінде 18 м/с дейін жетеді. Павлодарда 26 тамызда күндіз найзағай ойнайды. Солтүстік-батыстан соғатын жел екпіні найзағай кезінде 18 м/с дейін жетеді.
Қызылорда облысының басым бөлігінде, Батыс Қазақстан облысының оңтүстігінде және Абай облысының оңтүстігінде төтенше өрт қаупі сақталады.
Қысқа да нұсқа. Жазылыңыз telegram - ға