Қазақстанға 200 мыңға жуық шетелдік турист келген
Олардың 67% - ы Ресей Федерациясынан, 16% - ы Өзбекстаннан, 6% - ы Түркиядан, 4% - ы ҚХР-дан және 7% - ы басқа мемлекеттерден келген
еQonaq ақпараттық жүйесінің деректеріне сәйкес, жыл басынан бері ел аумағына 195 149 шетелдік турист келген, деп хабарлайды El.kz Мәдениет және спорт министрлігіне сілтеме жасап.
2020 жылғы қарашада іске қосылған жүйе қазіргі уақытта республикалық маңызы бар 3 қаланы және 14 облыс орталығын қамтиды.
еQonaq жүйесі туристік ағымға талдау жүргізуге және көші-қон қызметін тиімді бақылауға мүмкіндік береді. Мұнда 7300-ден астам орналастыру орны тіркелген.
Биылдың өзінде статистикаға сай шетелдік туристер басым өңірлер қатарында:
- Алматы (73 012 адам);
- Нұр-Сұлтан (44 859 адам);
- Қызылорда облысы (9735адам);
- Маңғыстау облысы (9384 адам) бар.
Олардың 67% - ын Ресей Федерациясынан, 16% - ын Өзбекстаннан, 6% - ын Түркиядан, 4% - ын ҚХР-дан және 7% - ын басқа мемлекеттерден келген туристер құрайды.
Айта кетейік, eQonaq.kz сайтында ай сайын шетелдік туристер бойынша статистикалық мәліметтер жарияланады.
Қысқа да нұсқа. Жазылыңыз telegram - ға