Әулиекөлдегі орман-саябақтарға тазарту жүргізілді
Қостанай облысының әрбір ауданы ел президенті Қасым-Жомарт Тоқаевтың бастамасымен «Таза Қазақстан» акциясына белсенді қатысады, деп хабарлайды El.kz ақпарат агенттігі.
Бүгінде Әулиекөл ауданында қоршаған ортаға қамқорлық жасауға бағытталған іс-шаралар жалғасуда.
Әулиекөл ауылында «Таза Қазақстан» акциясы аясында ауылды санитарлық тазарту жүргізілді, акция аясында 180-ден астам адам қатысты, оның ішінде мемлекеттік және бюджеттік ұйымдардың қызметкерлері, сондай-ақ еріктілер, ауыл тұрғындары, кәсіпкерлер туған өлкені абаттандыруға ұмтылыстарын қажырлы еңбекпен көрсетті, сондай-ақ 2 бірлік техника тартылды.
Олар бүгінгі сенбілікті Әулиекөл ауылының солтүстік бөлігіндегі орман-саябақ аймағын жинауға арнады, ауыл тұрғындарының демалыс аймағын тазалаумен қамтылды.
Ел Президенті қоршаған ортаның жай-күйі ортақ жауапкершілік екеніне ерекше назар аударды. «Біргеміз Таза Қазақстан» жалпы республикалық акциясы аясында Әулиекөл ауданының тұрғындары мемлекеттік қызметшілер, қоғам қайраткерлері, жастар, бизнес құрылымдар орман алқабын тазарту бойынша сенбілікке белсенді қатысты, - дейді Әулиекөл ауданының Қоғамдық кеңесінің төрағасы Альмира Жансүгірова.
Қысқа да нұсқа. Жазылыңыз telegram - ға