Атыраудағы тағы бір ауданда төтенше жағдай жарияланды
Фото: Видеодан кадр
Фото: Видеодан кадр
04.04.2024 12:41
750
Жылыой ауданында полиция эвакуацияланған Қарағай ауылын бақылауда ұстауда, деп хабарлайды El.kz ақпарат агенттігі.
4 сәуір күні су тасқыны қаупі туындауына байланысты Жылыой ауданында төтенше жағдай жарияланды.
Қарағай елді мекенінің 156 тұрғыны қауіпсіз аймаққа көшірілді. Эвакуацияға 4 автобус, 26 полиция қызметкері және аудандық төтенше жағдайлар бөлімінің 17 қызметкері жұмылдырылды.
Ауылдағы қараусыз қалған тұрғын үйлерде қандай да бір құқық бұзушылықтарға жол бермеу үшін полиция тәулік бойы қоғамдық қауіпсіздікті қамтамасыз етуде.
Бөлісу:
Қысқа да нұсқа. Жазылыңыз telegram - ға