Атырауда емхана басшысы тұтқындалды
![Атырауда емхана басшысы тұтқындалды Атырауда емхана басшысы тұтқындалды](/storage/storage/element/2023/10/29/mainphoto/74395/1200xauto_U20gcDIOuml8zHsJmX2tMASWJK9oYC4OIYn7SRFL.jpg)
Атырау қаласындағы №4 емхананың директоры бюджеттің ірі мөлшердегі қаржысын ұрлады деген күдікпен ұсталып, қамауға алынды, деп хабарлайды El.kz ақпарат агенттігі.
Облыстық прокуратураның үйлестіруімен Атырау қалалық №4 емхананың директоры бюджет қаражатын аса ірі мөлшерде ұрлады деген күдікпен ұсталды. Атырау қаласының мамандандырылған тергеу соты күдіктіге «қамауда ұстау» түріндегі бұлтартпау шарасына санкция берді, - деп мәлім етті Сыбайлас жемқорлыққа қарсы іс-қимыл агенттігі Атырау облыстық департаментінің баспасөз қызметінен.
Қазір сотқа дейінгі тергеу амалы басталды. Тергеу мүддесіне орай өзге ақпарат жарияланбады.
ҚР Конституциясының 77-бабы 3-тармағының 1-тармақшасы, Қылмыстық-процестік кодексінің 19-бабы 1-бөлігіне сәйкес адамның кінәлі екендігі занды күшіне енген сот үкімімен танылғанша ол жасалған қылмысқа кінәлі емес деп есептеледі, - деді баспасөз қызметінен.
![Telegram](https://el.kz/static/site/images/tel26.png)