Атырау мұнай өңдеу зауытындағы тексеріс аяқталды
Тексеру зауытты электрмен жабдықтаудағы кернеудің істен шығуы нәтижесінде технологиялық қондырғыларды толық тоқтату жүргізілгенін көрсетті
Атырау облысы бойынша экология департаменті 18 тамыз бен 5 қыркүйегі аралығында "АМӨЗ"ЖШС-не қатысты жоспардан тыс тематикалық тексеру жүргізді, деп хабарлайды El.kz Экология министрлігіне сілтеме жасап.
Тексеру зауытты электрмен жабдықтаудағы кернеудің істен шығуы нәтижесінде технологиялық қондырғыларды толық тоқтату жүргізілгенін көрсетті.
Осыған байланысты, жабдықтың қауіпсіздігі мен сақталуын қамтамасыз ету үшін көмірсутегі газының артық қысымы қысқа уақытта алау жүйесіне жіберілді.
"KEGOC" АҚ тарапынан электрмен жабдықтауды қалпына келтіргеннен кейін тауарлық өнім өндіруге арналған технологиялық тізбектің қалыпты жұмысын қалпына келтіре отырып, технологиялық қондырғылар қайта іске қосылды.
Жобалау құжаттарын зерделеу кезінде кәсіпорында алауларда газ жағудан эмиссияға рұқсат жоқ екені анықталды. Осылайша, "АМӨЗ" ПГПН алау қондырғысында 73 мың м3 көлемінде отын газын жағу нәтижесінде жүзеге асырған эмиссиялар және ППНГО қондырғысында 6 мың м3 өз бетінше болып табылады және ҚР экологиялық заңнамасына сәйкес нормалауға жатпайды.
Айта кету керек, мұндай бұзушылық жүйелі болып табылады. Ұқсас фактілерге кәсіпорын бір жылда үшінші рет жол берген.
Кәсіпорынға қатысты қоршаған ортаға эмиссиялар нормативтерін жүйелі түрде асырғаны үшін ӘҚБтК-нің 328-бабының 3-бөлігі бойынша әкімшілік құқық бұзушылық туралы хаттама толтырылды .
Материалдар соттың қарауында болады.
Қысқа да нұсқа. Жазылыңыз telegram - ға