Асырап алған балаларды құлдықта ұстаған әйел екі жылға ғана сотталуы мүмкін
Фото: © Pixabay.com
Фото: © Pixabay.com
21.02.2024 14:41
1455
Парламент Мәжілісінің жалпы отырысының кулуарында Ішкі істер министрінің орынбасары Игорь Лепеха Ұлытау облысында асырап алған балаларды қамқорлығына ала тұрып, оларды бірнеше жыл құлдықта ұстаған әйелдің ісіне қатысты түсініктеме берді, деп хабарлайды EL.kz ақпарат агенттігі.
Ол бұл оқиғаға қатысты екі бап бойынша іс қозғалатынын айтты.
Біріншісі – қамқоршылық құқығын асыра пайдалану, екіншісі – азаптау. Қылмыстық іс аясында барлық мәселе қарастырылады. Аталған баптарға сәйкес, екі жылға дейін бас бостандығынан айыру жазасы қарастырылған, - деді Игорь Лепеха.
Еске салайық, осыған дейін Ұлытау облысында әйел асырап алған балаларды бес жыл бойы азаптап келгені туралы хабарлаған болатынбыз.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Депутат «Ұлттық киім» күнін бекітуді ұсынды
Келесі жаңалық
БҚО-да бұрынғы полицей адам өлтірді деген күдікке ілінді