Тоқаевтың президенттікке кандидатурасы талапқа сай келеді - ОСК
Бұл туралы ҚР ОСК хатшысы Мұхтар Ерман комиссияның отырысында мәлім етті![Тоқаевтың президенттікке кандидатурасы талапқа сай келеді - ОСК Тоқаевтың президенттікке кандидатурасы талапқа сай келеді - ОСК](/storage/storage/element/2022/10/08/mainphoto/10733/1200xauto_PXhNt9TmFaX44m6ESyV1IeFDfd6ji8GEHCOLNhBq.jpg)
Орталық сайлау комиссиясы Қасым-Жомарт Тоқаевтың президенттікке кандидатурасын талаптарға сай деп шешті. Бұл туралы ҚР ОСК хатшысы Мұхтар Ерман комиссияның отырысында мәлім етті, деп хабарлайды El.kz.
Сөз басында комиссия хатшысы Қасым-Жомарт Тоқаевтың кандидатурасын ҚР президенттігіне бірнеше саяси партия мен қоғамдық ұйым ұсынғанын еске салып, комиссия қарауына аталған үміткердің атынан қандай құжаттар тапсырылғанын мәлім етті.
«ҚР президенттігіне кандидат Қасым-Жомарт Кемелұлы Тоқаевтың ҚР Конституциясында және ҚР Сайлау туралы Конституциялық заңында оған қойылатын талаптарға сәйкестігін анықтау туралы хаттамаға қол қойылды. Осылайша Орталық сайлау комиссиясы республика президенттігіне кандидат Қасым Жомарт Тоқаевтың Конституцияда және ҚР Сайлау туралы Конституциялық заңда оған қойылатын талаптарға сәйкес екендігін анықтады», - деді Мұхтар Ерман.
![Telegram](https://el.kz/static/site/images/tel26.png)