Қазақстан президенті Қасым-Жомарт Тоқаев қазақстандықтарды Тәуелсіздік күнімен құттықтады.
Ең алдымен баршаңызды келе жатқан Тәуелсіздік күнімен шын жүректен құттықтаймын. Бұл егемен еліміздің мәртебесін арттырған ұлы мейрам. Біз үшін тәуелсіздіктен асқан құндылық жоқ. Оны бағалай білу бүгінгі және өскелең ұрпақтың міндеті. Осы орайда Елбасы Нұрсұлтан Назарбаевтың теңдесіз рөлін ешқашан ұмытпауымыз керек. Тұңғыш президентіміз мемлекетіміздің негізін қалаушы тарихи және әлемдік деңгейдегі тұлға, - деді Тоқаев.
Мемлекет басшысы тәуелсіздікті нығайтудың негізгі жолы экономиканы күшейту мен өндіріс көлемін арттыру екенін айтты.
Сонда ғана жарқын болкашаққа жол ашамыз. Мемлекет елімізді дамытуға атсалысқан бизнес өкілдерінің еңбегін елеусіз қалдырмайды. Бұл ретте тұңғыш президентіміздің бастамасымен индустрияландыру күнін атап өту жақсы дәстүрге айналғнанын білесіздер. Елбасы индустриялық-инновациялық даму жолын отандық экономиканың негізгі бағыты ретінде айқындады. Ел экономикасы артқан сайын еліміздің іргесі де берік болары сөзсіз. Осыған орай көптеген ауқымды жұмыстар атқарылып отыр. Маңызды жобалар қолға алынды. Мұның бәрі Қазақстанның 30 елдің қатарына қосылу үшін жасалып отыр, - деді ҚР президенті «Алтын сапа» арнайы сыйлығын марапаттау рәсімінде.
Қысқа да нұсқа. Жазылыңыз telegram - ға