Астананың орталық алаңында 4 мыңға жуық адам Олимпиаданың ашылуын тікелей эфирден тамашалады
![Астананың орталық алаңында 4 мыңға жуық адам Олимпиаданың ашылуын тікелей эфирден тамашалады Астананың орталық алаңында 4 мыңға жуық адам Олимпиаданың ашылуын тікелей эфирден тамашалады](/storage/storage/element/2024/07/27/mainphoto/114218/1200xauto_NEOWFjarU2a9faRcUfdhq9jqZixTfzPugQaPOdIY.jpg)
Парижде басталған XXXIII жазғы Олимпиада ойындарының ашылуына орай мерекелік іс-шара өтті. Астана әкімдігі мен Jibek Joly телеарнасы ұйымдастырған тікелей эфирді Орталық саябақтан 4 мың астаналық тамашалады, деп хабарлайды El.kz ақпарат агенттігі әкімдіктің ресми сайтына сілтеме жасап.
Іс-шараның басты мақсаты Олимпиада ойындарында ел атынан қатысатын қазақстандық спортшыларды қолдауға бағытталған.
Олимпиада ойындарының ресми ашылуының тікелей көрсетілімі басталғанға дейін отандық эстрада жұлдызы - Халықаралық конкурстардың лауреаттары Ақтоты Болшова, Әкімжан Маженов, Зарина Омарова, ILIAS, сондай-ақ композитор, ҚР еңбек сіңірген қайраткері және «Құрмет» орденінің иегері Ұлықпан Жолдасовтың қатысуымен концерттік бағдарлама ұйымдастырылды.
Елорда тұрғындары үшін ойын-сауық интерактивтері – спорттық іс-шаралар мен викториналар ұйымдастырылды. Ең белсенді қатысушыларға сыйлықтар табысталды.
Естеріңізге сала кетейік, Олимпиада ойындарының салтанатты ашылуының тікелей эфирін елорданың мынадай орындарында сағат 22.30-дан бастап көруге болады:
- Қазақстан теннис федерациясына қарама-қарсы орталық саябақ (Beeline Arena);
- Mega Silkway лед-экраны (ЭКСПО жағынан);
- Тұран даңғылы – Д.Қонаев көшесі;
- Б. Момышұлы даңғылы-Тәуелсіздік даңғылы;
- ЭКСПО аумағындағы экран;
- Арбат (Жағалау).
![Telegram](https://el.kz/static/site/images/tel26.png)