Астаналық әйел алаяқтықпен 400 млн теңгеге жуық қаржысын құмар ойынға құрбан етті
Елорда тұрғыны ЖШС бухгалтері ретінде алдау-арбау арқылы 400 млн теңгеге жуық қаржы тауып, кейін оларды казинода ұтылып қалды, деп хабарлайды El.kz ақпарат агенттігі Астана әкімдігінің ресми сайтына сілтеме жасап.
Елордалық прокуратураның мәліметінше, әйел құмар ойындарға ақшалай пайда табу мақсатында алаяқтық жасағаны үшін бес жылға бас бостандығынан айырылды.
С. есімді азаматша ЖШС бухгалтері бола отырып, компания иелерін шетелдегі тиімді инвестициялармен қызықтырып, осылайша, алдау арқылы 385 917 062 теңге сомасында қаражат иемденгені анықталды. Бір қызығы, сотталған адам ұрланған ақшаның барлық сомасын (368 354 720 теңге) елдегі танымал казинода ұтылған, - деп хабарлады прокуратура.
Сотталушы кінәні толық мойындады. Сот үкімі заңды күшіне енді. Астана қаласының прокуратурасы азаматтарды ақылға қонымды болуға және теріс тартымдылыққа берілмеуге шақырады.
Қысқа да нұсқа. Жазылыңыз telegram - ға