Астанаға Мысыр Парламенті Сенатының төрағасы келді
![Астанаға Мысыр Парламенті Сенатының төрағасы келді Астанаға Мысыр Парламенті Сенатының төрағасы келді](/storage/storage/element/2024/06/04/mainphoto/106624/1200xauto_7ccZRwg6NSSG9QGxfdjokpb90GPSuqWX5CJ64Wv7.jpg)
Мәжіліс спикері Ерлан Қошанов Қазақстанға ресми сапармен келген Мысыр Араб Республикасы Парламенті Сенатының төрағасы Әбделуахаб Әбделразеқпен кездесті, деп хабарлайды El.kz ақпарат агенттігі.
Ерлан Қошанов Қазақстан мен Мысырарасындағы дипломатиялық қарым-қатынастың орнағанына 30 жыл толғанын атап өтті.
Осы уақыт ішінде екі ел арасында тығыз ынтымақтастық орнады. Бұл ең әуелі біздің көшбасшыларымыз – Қасым-Жомарт Тоқаев пен Әбдел Фаттах Ас-Сисидің ерен еңбегінің арқасында деп білемін. Алдағы уақытта да екі ел басшыларының әріптестікті күшейтуге бағытталған жұмысын біз Парламент деңгейінде жалғастыратын боламыз, - деді Мәжіліс төрағасы.
Тараптар екі ел депутаттары достық топтарының жұмысын жандандыруға келісті. Осы орайда Ерлан Қошанов заңнама саласында тәжірибе алмасып, екі елдің шарттық-құқықтық базасын кеңейтудің маңыздылығына назар аударды.
Өз кезегінде Әбделуахаб Әбделразеқ Қазақстанда жүргізіліп жатқан саяси және экономикалық реформаларды толық қолдайтынын айтты.
Отырыс барысында тараптар сауда-экономикалық, көлік-транзит, туризм саласы мен мәдени-гуманитарлық саладағы ынтымақтастық мәселелерін де талқылады.
![Telegram](https://el.kz/static/site/images/tel26.png)