Астанада заңсыз вейп сатқандар ұсталды
Фото: t.me/POLICE_of_KZ
Фото: t.me/POLICE_of_KZ
18.07.2024 16:53
459
Астанада полиция вейптерді заңсыз сатқан интернет-дүкенді анықтады, деп хабарлайды El.kz ақпарат агенттігі.
ІІМ мәліметінше, қойма көпқабатты үйдің пәтерінде орналасқан. Интернет-дүкен штатында 28 жастағы иесінен басқа 10 адам жұмыс істеген. Олардың ішінде сатушылар, курьерлер, сұрыптаушылар, сатушы-дроппер, ревизор бар.
Қоймадан 20 мыңнан астам вейп табылды. Тауар телеграмм-арналар арқылы сатылған.
Осы дерек бойынша қылмыстық іс қозғалды. Баптың санкциясы 200 АЕК дейінгі мөлшерде айыппұл салуға немесе сол мөлшерде түзеу жұмыстарына, не 200 сағатқа дейінгі мерзімге қоғамдық жұмыстарға тартуға, не 50 тәулікке дейінгі мерзімге қамауға алумен жазалауды көздейді, - делінген мәліметте.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Елордада алғаш рет футболдан аналар командасы құрылды