Астанада республика күніне орай 1500-ден астам оқушы «Атамекен» әнін орындады

Астанада республика күніне орай 1500-ден астам оқушы «Атамекен» әнін орындады

22.10.2025 19:46

Фото: Астана әкімдігі

Республика күніне орай және «Адал азамат» бірыңғай тәрбие бағдарламасы аясында Мемлекеттік рәміздер алаңында ауқымды флешмоб өтті, оған қатысушылар «Атамекен» әнін орындады, деп хабарлайды El.kz интернет порталы.

Іс-шараға елордалық мектептердің 1500-ден астам оқушысы қатысты.

Флешмоб өскелең ұрпақтың бойында азаматтық бірегейлікті, тәуелсіз Қазақстанның Мемлекеттік рәміздері мен дәстүрлерін құрметтеуді қалыптастыруға бағытталған.

Орындау барысында қатысушылар Қазақстанның жас буынының бірлігі, достығы мен ашықтығының символы - ашық алақан бейнесін жасап, бес қатарға тұрды.

Бұл алақан жылулық пен қолдаудың бейнесіне айналды, өйткені елдің күші жүректердің бірлігінде туады.

Сонымен қатар Астананың барлық мектептерінде осындай флешмобтар өтті, оқушылар «Менің Қазақстаным» акциясын қолдап, патриоттық композицияны орындады.

Естеріңізге сала кетейік, 25 қазанда Қазақстанда Ұлттық мереке — Республика күні атап өтіледі. Осы айтулы мерекеге орай, Астанада 150-ге жуық мәдени-бұқаралық, білім беру, спорттық және әлеуметтік іс-шаралар жоспарланған, олардың арасында мерекелік концерттер, көрмелер, дөңгелек үстелдер, ұлттық спорт түрлері бойынша турнирлер және тағы басқалар бар.

Астана

Қысқа да нұсқа. Жазылыңыз telegram - ға

Астанада республика күніне орай 1500-ден астам оқушы «Атамекен» әнін орындады

Оқи отырыңыз

Бір отбасынан шығып, 2026 жылғы Олимпиадада чемпион атанған спортшылар

Ақ Олимпиада: Қазақстанның шынайы мүмкіндігі қандай?

11,8 млрд теңге, «Арсенал» қақпасына салынған тарихи голдар: «Қайрат» Чемпиондар лигасындағы жорығын аяқтады