Астанада қоғамдық 18 кітапхана жұмыс істейді
Елорданың орталықтандырылған кітапханалар жүйесі бүгінде 18 қоғамдық кітапханадан тұрады, оның он бірі жаппай, алтауы балалар кітапханасы және біреуі зағип және нашар көретін оқырмандарға арналған. Астана қаласының коммуникациялар қызметінде өткен брифингте мекеме басшысы Гүлбадан Мәдібаева жалпы жүйе жұмысының жаңа форматы туралы айтып берді, деп хабарлайды El.kz ақпараттық агенттігі қалалық әкімдіктің ресми сайтына сілтеме жасап.
Елорда кітапханаларының жалпы кітап қоры 740 мыңнан асады. Оның ішінде 80 мыңнан астам адамды тұрақты оқырмандар құрайды.
Қазіргі заманғы кітапханалар қоғамда сұранысқа ие болу, өз мақсатына сай болу үшін үлкен жұмыс атқарады, сондықтан біз барлық қала тұрғындары үшін оқу, білім алу, қарым-қатынас, шығармашылық үшін ашық алаңға айналдық, - деп атап өтті спикер.
Әлеуметтік сауалнама нәтижесі бойынша, елорда кітапханалардың оқырмандарының 29 пайызы оқушылар, 18 пайызы колледж оқушылары, 22%-ы студенттер, 9%-ы коммерциялық ұйымдардың қызметкерлері, 7%-ы жұмысшылар, 5%-ы зейнеткерлер болса, қалған 10%-ын қарапайым қала тұрғындарын құрайды.
Оқырмандарды тарту үшін біз елорда тұрғындарының қызығушылықтары мен қажеттіліктеріне үнемі назар аударуға мәжбүрміз. Сондықтан қазіргі заманғы кітапханалар тек оқу залдары ғана емес, сонымен қатар оқу, демалу, қарым-қатынас жасау үшін, оқумен байланысты емес бұқаралық іс-шараларды өткізу үшін кітапханалардың өзінің танымал бренді болуы үшін коворкинг-орталықтар ашылды. Кітапхана пайдаланушылары қызығатыр клубтар – шахмат клубы, поэзия клубы, тіл курстары және т.б. жұмыс істейді. Бүгінгі таңда біздің кітапханалар кездесулер, компьютерлерге қол жеткізу үшін өз үй-жайларын пайдалы, қосарлы пайдалануға; көпбалалы, әлеуметтік аз қамтылған отбасылардағы балалар мен жасөспірімдерге, дене мүмкіндіктері шектеулі адамдар үшін іс-шаралар өткізуге және тегін әлеуметтік қызметтер көрсетуге арналған кеңістіктер ұсынады, - деді Гүлбадан Мәдібаева.
Қысқа да нұсқа. Жазылыңыз telegram - ға