Астанада газсыз қалған үйлерге көмір жеткізіледі
Бұл туралы «QazaqGaz» ұлттық компаниясы мәлім етті
Фото: baq.kz
Фото: baq.kz
29.11.2022 18:03
842
Астананың Көктал шағын ауданындағы 160 абонент қайтадан газға қосылды, деп хабарлайды El.kz ақпарат агенттігі.
Апатты қалпына келтіру жұмыстары түні бойы жүргізілген. 29 қараша күні сағат 9.00-ден бастап абонеттерге газ беріле бастады.
Газ беру №15 және №16 газ тарату пунктеріне жалғанған абонеттер үшін қалпына келтірілді. Бұл Ақан сері, Қараменде би Шақаұлы, Сұлутал, Сүйінбай Ақын, Айдархан Тұрлыбаев көшелерінің қиылыстарындағы үйлер деген сөз. Ал үшінші газ тарату пунктіне жалғанған 75 абонентке жылжымалы бу агрегаты қызмет көрсетеді.
«Сарыарқа» ауданы әкімдігінің аппаратында осы мәселе бойынша штаб құрылды. Аудан әкімдігі газсыз қалған үйлерге көмір жеткізуді ұйымдастырып жатыр», - делінген мәліметте.
Бөлісу:
Қысқа да нұсқа. Жазылыңыз telegram - ға