Астанада екі жас жігіт спорттық дүкеннен күртеше ұрлап кеткен
Фото: instagram.com/police_astana
Фото: instagram.com/police_astana
04.01.2024 21:11
864
Астанада сауда орталықтарының біріне барған екі жас жігіт спорттық дүкенге кіріп, ондағы күртешені оп-оңай қолды еткен, деп хабарлайды El.kz ақпарат агенттігі.
Ұрлық қылмысын спорттық киімдер дүкенінің қызметкерлері анықтаған. Бейнебақылау камераларындағы жазбаларды зерделеу нәтижесінде жедел уәкілдер 28 және 24 жастағы екі күдіктінің ізіне түскен. Олар бір тәулік ішінде ұсталды.
Оқи отырыңыз:
- Астанада қымбат әтірлерді қолды қылған ер адам ұсталды
- Мешітке намазға келген 18 жасар жігіт iPhone телефонын жымқырып кеткен
Аталған факті Қылмыстық кодекстің 188-бабы «Ұрлық» бойынша сотқа дейінгі тергеп-тексерулердің бірыңғай тізіліміне енгізілді. Полицейлер олардың әрқайсысының қылмыс жасауға қатыстылығын тексеруде. Ұрланған зат тәркіленіп алынды. Тергеу амалдары аяқталған соң иесіне қайтарылатын болады.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Сенаторлар Шымкентке жұмыс сапарымен барды