Астанада 31 тамыздан бастап желіге екі жаңа маршрут шығады
![Астанада 31 тамыздан бастап желіге екі жаңа маршрут шығады Астанада 31 тамыздан бастап желіге екі жаңа маршрут шығады](/storage/storage/element/2023/08/15/mainphoto/63948/1200xauto_Ze7CGl45yXHwG42XJtjdGkKceJueiTh3O0gcH6B3.jpg)
Елорда тұрғындарына қызмет көрсету сапасын жақсарту мақсатында Астана қаласында маршруттар саны артады, деп хабарлайды El.kz ақпарат агенттігі.
Елорда әкімдігінің мәліметінше, 31 тамыздан бастап желіге екі жаңа бағдар шығады - №49 және №57.
№49 бағдар Мамандандырылған ХҚО-ны Бас мешітпен байланыстырады. Бұл «Көктал-1» – «Көктал-2» ТА және «Көктал» паркі «Жағалау» ТА-мен көлік байланысын жүзеге асырып, Ш. Айтматов, Сығанақ және Бас мешіт көшелеріне көліктік қызмет көрсетуді жақсартады.
№57 бағдар «Нұрлы жол» теміржол вокзалы мен Қазыбек би көшесін біріктіреді. Бұл бағытты іске қосу Төле би көшесінде жолаушылар тасымалдауға, Сығанақ, Сарайшық және А.Байтұрсынұлы көшелерінде көлік қатынасын жақсартуға мүмкіндік береді. Осылайша, №40 бағдардың жүктемесі төмендетіледі. Сондай-ақ Р.Қошқарбаев даңғылында автобустарды іске қосу мүмкіндігі пайда болады.
![Telegram](https://el.kz/static/site/images/tel26.png)