Астана сотында Нұртас Адамбайға қатысты іс қаралады
Фото: nurtasadambay / Instagram
Фото: nurtasadambay / Instagram
01.08.2024 11:12
644
Қазақстандық актер, шоумен Нұртас Адамбайға қатысты іс Астананың мамандандырылған ауданаралық әкімшілік сотында қаралады, деп хабарлайды El.kz ақпарат агенттігі.
Сот кабинетінде айтылғандай, Нұртас Адамбайға ҚР діни қызмет және діни бірлестіктер туралы заңнамасын бұзғаны үшін айып тағылып отыр. Атап айтқанда, айыптау ғибадат үйлерін (ғимараттарын) салуға, ғимараттарды ғибадат үйлері етіп қайта бейіндеуге (функционалдық мақсатын өзгертуге) қойылатын талаптарды бұзуға қатысты.
Мұндай бұзушылықтар үшін жеке тұлғалар үшін 50 АЕК (185 мың теңге), заңды тұлғалар үшін 200 АЕК (738 мың теңге) мөлшерінде айыппұл қарастырылған.
Іс бүгін, 1 тамызда қаралады. Отырыс WhatsApp мессенджері арқылы мобильді бейнеконференция ретінде онлайн өтеді.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Алматыда полиция автобусы жол апатына түсті