«Астана Орманында» Президентінің әлеуметтік бастамалары түсіндірілді
«Астана Орманы» ЖШС-де Әміржан Әлпейісовтың төрағалығымен Астана қаласы Қазақстан халқы ассамблеясы Қоғамдық келісім кеңесінің жиыны өтті.
Бүгінгі күні аталған кәсіпорында 900-ден астам адам еңбек етуде, ал кадрлардың тұрақтамау көрсеткішінің болмауы - бұл үшін барлық қажетті жағдайлар жасалғандығының дәлелі.
«Астана Орманы» ЖШС басқарушы директоры Юсуп Келигов айтып өткендей, кәсіпорын ұжымы көп ұлтты және ынтымақшыл. Қызметкерлер көгалдандырумен айналысады. Айта кету керек, Астана қаласының ҚХА Қоғамдық келісім кеңесі осы ірі кәсіпорын негізінде бір жыл бұрын құрылды және осындай кездесулердегі түсіндірме жұмыстар жыл бойы жалғасады.
Жиын барысында «Nur Otan» партиясының спикері Кенжеболат Бапишев партияның XVIII съезінде айтылған әлеуметтік басымдықтар туралы егжей-тегжейлі баяндап берді.
Астана қаласының Жұмыспен қамту және әлеуметтік қорғау басқармасының өкілі Татьяна Глазунова атаулы әлеуметтік көмекті тағайындау жүйесі жөнінде түсіндіріп, қатысушылардың сұрақтарына жауап берді. Сонымен қатар, Қазақстанның әлеуметтік-бағдарланған мемлекет ретіндегі дамуы және азаматтардың лайықты өмір сүру деңгейін қамтамасыз ету тақырыптары кеңінен талқыланды.
Өз кезегінде, елордалық ҚХА Хатшылығының меңгерушісі Ләззат Құсайынова жергілікті биліктің қазақстандықтардың өмір сүру деңгейі сапасын арттыруға бағытталған жұмыстары және әлеуметтік қолдау бағдарламаларын іске асыру жөнінде әңгімелеп берді.
Елордалық Қазақстан халқы ассамблеясы қарамағында алты Қоғамдық келісім кеңесі жемісті жұмыс жасауда. Бұл қоғамдық құрылым еңбек ұжымдарындағы әлеуметтік көңіл-күйіді бақылауда ұстауға, сондай-ақ еңбекшілер үшін мемлекеттің әлеуметтік кепілдіктерін қамтамасыз етудегі кәсіподақ ұйымдары мен партиялық ұяшықтардың өзара іс-қимылын нығайтуға бағытталған.
Қысқа да нұсқа. Жазылыңыз telegram - ға