Associated Press жылдың үздік жабайы табиғат суреттерін жариялады
Шөп басқан алаңда жүрген ақ аю, өзге құстардың ортасындағы альбинос көгершін, қақаған қыста ұя салған құтандар… Associated Press агенттігі ұсынған бұл ерекше фототоптама табиғаттағы өмірдің бір мезетте нәзік әрі тоқтаусыз жалғасып жатқанына айқын дәлел, деп хабарлайды El.kz интернет порталы.
Саясаткерлер, танымал тұлғалар мен маңызды оқиғалардан бөлек, Associated Press өз медиатекасын үнемі жануарлар мен құстардың, табиғаттың күнделікті әрі тосын сәттерін бейнелейтін суреттермен толықтырып отырады. Агенттік биыл да осы дәстүрден жаңылмай, тіршілік иелерінің сирек әрі әсерлі көріністерін жариялады.
Солардың бірі – Ресейдің Қиыр Шығысындағы Чукот теңізінде орналасқан Колючин аралындағы қаңырап қалған ғылыми станция маңында жүрген жалғыз ақ аю. Әдетте қар мен мұзда ғана жүретін поляр жыртқышы бұл жолы жасыл шөптің үстінде бейнеленген.
Тағы бір кадрда Германия даласында енесінің қасында тұрған жабайы құлын назарға іліккен. Ал бұл суретте АҚШ-тың Аризона штатында бейсбол алаңы маңындағы гүлден нектар іздеген колибриді көреміз.
Бұл фотосуреттер әдетте біз байқай бермейтін күнделікті өмір арасындағы әсем әлемді ашады.
Мына суретте АҚШ-тың Аризона штатында бейсбол алаңы маңындағы гүлден нектар іздеп жүрген колибриді көруге болады.
Австралия жағалауында судан қарғып шыққан кит, Израильде таң шапағында қоныс аударып бара жатқан тырналар, Германия ормандарында тыныш қыдырып жүрген бұғылар – барлығы да өмірдің оз ырғағымен жалғасып жатқанын еске салады.
Ал жаңа туған балапанның ата-анасының қауырсынынан басын шығарып, жарық дүниеге қадам басуы – тіршілік шеңберінің тағы бір мәрте жаңарғанының белгісі.
Фототоптамада сондай-ақ Панама-Ситидегі жағажайда жержаңғақ жеп отырған енот, Лондонда Уимблдон турнирі қарсаңында гүлден тозаң жинап жүрген ара, Таллин саябағындағы қанқыз, Бразилия Амазониясындағы биологиялық қорықта тіршілік етіп жатқан альбинос тасбақа, Үндістандағы ұлттық паркте ағаш үстінде демалып отырған игуана да бейнеленген.
Қақаған аязда аман қалған құтандар, қала шетінде еркін жүрген бұғылар, Ресейде аң аулау кезінде айқасқан аққұйрық бүркіттер – мұның бәрі табиғаттың үнсіз әрі қуатты күшін сездіреді.
Бұл кадрлар адамзаттың қарбалас тіршілігінің аясында да табиғаттың өз заңымен өмір сүріп, үздіксіз жаңарып отыратынын тағы бір мәрте дәлелдейді.
Қысқа да нұсқа. Жазылыңыз telegram - ға
Оқи отырыңыз 
