Әскерилерге үйін салдырған ТЖ бұрынғы вице-министрі сотталды
Төтенше жағдайлар бірінші вице-министрі болған Ибрагим Күлшімбаевты бес жылға бас бостандығынан айырды, деп хабарлайды El.kz ақпарат агенттігі.
Бұл шешімді Ақмола гарнизонының әскери соты шығарды.
Ол өзінің жеке үйін салу үшін әскери қызметшілер мен арнайы техниканы тартып, ТЖМ ведомстволық бағынысты мекемелерінің басшылығына заңсыз нұсқаулар беру арқылы билікті асыра пайдаланғаны үшін кінәлі деп танылды. Сот үкімімен оған мемлекеттік қызметте және квазимемлекеттік сектор субъектілерінде қызмет атқаруға өмір бойына тыйым сала отырып, 5 жыл мерзімге бас бостандығынан айыру жазасы тағайындалды, – деп хабарлады Антикор.
Сонымен қатар сот президенттің атына Күлшімбаевты генерал-майор әскери атағынан айыру ұсынысын енгізу жөнінде қаулы шығарды.
Айта кетейік, Күлшімбаев 2020 жылдан 2023 жылдың тамызына дейін Төтенше жағдайлар жөніндегі бірінші вице-министр қызметін атқарған.
Қысқа да нұсқа. Жазылыңыз telegram - ға