Арзан әуе билеттерін қалай сатып алуға болады?
Ақмарал Ағзамқызы El.kz тілшісі
Саяхатқа шығуды ойлап жүрсіз бе? Қазақстан аумағында да, шет елдерге де қолжетімді бағаға әуе билеттерін алуға болады. El.kz сенімді онлайн-сервистерді пайдаланып, арзан әуе билеттерін қалай табуға болатынын кеңінен түсіндіреді.
Сапарыңызды алдын ала жоспарлаңыз
Арзан билетке қол жеткізудің басты жолы - алдын ала брондау. Қазақстандағы әуе билеттерінің бағасы да әлемнің өзге елдеріндегідей сұранысқа байланысты өзгеріп тұрады. Ұшуға 2–3 ай қалғанда билет алу - ең тиімді ұсыныстарды табудың амалы. Агрегаторлардың деректері бойынша, сұранысы жоғары бағыттарда (Алматы–Астана немесе Алматы–Шымкент секілді) ұшу күні жақындаған сайын баға өседі.
Төмен баға күнтізбесін қарап, ең қолайлы күнді таңдаңыз. Мәселен, аптаның ортасында сейсенбі немесе сәрсенбі күндері ұшу әдетте жұма немесе демалыс күндеріне қарағанда арзанға түседі.
Онлайн-сервистер мен агрегаторларды пайдаланыңыз
Қазақстанда әуе билеттерін іздеуге арналған түрлі платформалар бар. Олар жүздеген әуе компаниясы мен агенттіктің ұсыныстарын салыстырып, ең тиімдісін табуға көмектеседі. Бірнеше сайттағы бағаны салыстырыңыз, өйткені эксклюзивті жеңілдіктер немесе акциялар кейде тек белгілі бір платформада ғана болады.
Лоукостерлерді таңдаңыз
Қазақстандық лоукостерлер ішкі рейстерде ең төмен бағаларды ұсынады. Мысалы, Алматы–Астана бағыты бойынша билет құны 7 130 теңгеден басталады. Дегенмен, лоукостерлердің өз ерекшелігі бар: бағаға әдетте багаж, орын таңдау немесе қосымша қызметтер кірмейді. Сол себепті тариф шарттарын мұқият оқыңыз. Егер жеңіл жүкпен жүрсеңіз, лоукостер — үнемдеудің таптырмас жолы. Ал халықаралық бағыттарда AirAsia X немесе FlyDubai компанияларының ұсыныстарына назар салыңыз.
Акциялар туралы хабарламаға жазылыңыз
Көптеген әуе компаниялары мен агрегаторлар үнемі түрлі жеңілдік акцияларын өткізеді. Олардың жаңалықтар тарату тізіміне жазылып қойсаңыз, алғашқылардың бірі болып жеңілдіктер жайлы біліп отырасыз. Әсіресе сұранысы төмен кезеңдерде (сәуір–маусым немесе қыркүйек–қазан) Қазақстанға және Қазақстаннан ұшатын билеттердің бағасы әдетте төмен болады.
Ыңғайлы күн мен бағыттарды қарастырыңыз
Ұшатын күн мен әуежайды өзгерту арқылы билет құнын едәуір азайтуға болады. Мысалы, Skyscanner сияқты халықаралық іздеу жүйесінің «Барлық бағыттар» функциясы ең арзан нұсқаларды табуға көмектеседі. Сондай-ақ, мүмкін болса, Астана орнына Алматыдан ұшуды да қарап көріңіз.
Ыңғайлы төлем тәсілдерін пайдаланыңыз
Қазақстанда билетті түрлі тәсілдермен төлеуге болады: банк картасы, интернет-банкинг, мобильді баланс немесе агенттіктердің кеңселерінде төлеу. Таңдаған сервис жасырын комиссия ұстамайтынына көз жеткізіңіз. Қазіргі платформалар қосымша төлемсіз ашық баға көрсетеді.
Қайтару және ауыстыру шарттарын тексеріңіз
Егер сапарыңыздың жоспары өзгеруі мүмкін болса, билетті сатып алар алдында тариф ережесін міндетті түрде оқыңыз. Кейбір сервистер билеттен үлкен шығынсыз бас тартуға немесе ауыстыруға мүмкіндік беретін икемді тарифтер ұсынады. Сондай-ақ күтпеген жағдайлардан қорғану үшін туристік сақтандыруды қарастырыңыз. Электрондық билетті телефонға немесе электронды поштаңызға сақтап қойыңыз - тіркеу кезінде қолайлы.
Мобильді қосымшаларды пайдаланыңыз
Көптеген сервис iOS пен Android үшін ыңғайлы мобильді қосымшалар жасайды. Олар билеттерді тез іздеуге, бағаны бақылауға және кез келген уақытта сатып алуға мүмкіндік береді.
Танымал бағыттарды зерттеңіз
Қазақстаннан шығатын кей бағыттарға сұраныс жоғары, сондықтан мұнда жиі жеңілдіктер мен арнайы ұсыныстар болады. Мұны да пайдаланып көріңіз.
Қысқа да нұсқа. Жазылыңыз telegram - ға
Оқи отырыңыз 
