78 жасқа толған Арнольд Шварценеггер әлі күнге дейін керемет дене бітімімен көпшілікті таңғалдырады. Атақты бодибилдер әрі актер үш негізгі өнімді тұрақты пайдаланатынын айтады, деп хабарлайды El.kz интернет порталы.
Шварценеггер банан туралы не дейді?
Арнольд өзінің рационында үш өнімді ерекше жақсы көреді – жасымық, протеин ұнтағы және банан.
«Мистер Олимпия» атағын иеленген спортшы әсіресе бананды ерекше атап өтеді. Оның айтуынша, банан көптеген протеин коктейлдерінен пайдалырақ әрі денсаулыққа жақсы әсер етеді.
Банан – табиғи қант мөлшеріне байланысты жиі бағаланбайтын өнім. Дегенмен ол жүрекке және жалпы денсаулыққа қамқорлық жасау үшін ең қарапайым диеталық өзгерістердің бірі. Соған қарамастан, кейбір адамдар оны әлі де сынап жатады, – дейді Шварценеггер.
Неге банан суперфуд саналады?
Ғылыми зерттеулер Арнольдтың пікірін растайды. BioSpace жүргізген 247 мың ересекті қамтыған зерттеу нәтижесінде күнделікті калий тұтынуды небәрі 1,6 граммға арттыру инсульт қаупін 21%-ға азайтуы мүмкін екені анықталған. Бұл – бірнеше бананға тең мөлшер.
Сонымен қатар Дүниежүзілік денсаулық сақтау ұйымы (ДДСҰ) тәулігіне 3,5 грамм калий тұтынуды ұсынады. Бұл маңызды электролит бананда көп мөлшерде кездеседі және жүрек-қан тамыр жүйесінің саулығы үшін аса қажет.
Банан жүрекке ғана пайдалы деп ойлау қате. National Library of Medicine мәліметінше, жасыл банандарда резистентті крахмал мол, ол ішек жұмысын жақсартып, салмақты бақылауға көмектеседі.
Бұдан бөлек, банан – спортшыларға жаттығу кезінде тұрақты күш-қуат беретін табиғи энергия көзі. Ол кейбір спорттық сусындарға балама бола алады.
Сарапшылар жасыл бананды аптасына бірнеше рет тұтынуды ұсынып отыр, өйткені онда ағзаға қажетті пребиотикалық қасиеттер мол.
Қысқа да нұсқа. Жазылыңыз telegram - ға
Оқи отырыңыз 
