Ақтөбелік тұрғын алаяққа алданып қалды
Ақтөбелік тұрғын алаяққа алданып қалды. Бұл туралы Polisia.kz сайтына сілтеме жасай отырып El.kz ақпараттық агенттігі хабарлайды.
37 жастағы ақтөбелік әйел Instagram арқылы «eGov қызметтерімен және несие тарихын тазартумен айналысамыз» деген хабарламаны тапқан. Хабарламада көрсетілген телефон нөміріне қоңырау шалған әйелге оның несие тарихын 20 күннің ішінде тазартып беретіні айтылған. Бұл үшін жәбірленуші өз қызметін ұсынған әйелге мобильді қосымша арқылы 40 мың теңге сомасында ақша аударған. Соңында ақтөбелік әйел қызметті де, өз ақшасын да ала алмаған.
Полиция қызметкерлері жедел-іздестіру шараларын жүргізу барысында осы қылмысты жасады деген күдікпен Ақтөбе қаласының 31 жастағы тұрғынын анықтап, полиция бөліміне жеткізді.
Тергеу амалдары жүргізіліп жатыр.
Ақтөбе облысының Полиция департаменті бейтаныс адамдарға ақша аудармауды, күмәнді және заңсыз қызметтерді ұсынғанғандарға сенбеуді ескертеді.
Қысқа да нұсқа. Жазылыңыз telegram - ға