Ақтөбеде жаңа футбол стадионының құрылысы 2025 жылы басталады
Ақтөбе облысының әкімдігі өңірде халықаралық стандарттарға сай жаңа футбол стадионының құрылысы туралы мәлімдеді, деп хабарлайды El.kz ақпарат агенттігі.
Көпфункциялы спорт кешенінің құрылысы 2025 жылы басталады. 35 мың көрерменге арналған жаңа стадион Ақтөбе облысында спорттық және мәдени іс-шараларды өткізуге арналған басты алаңға айналады, – деп пікір білдірді әкімдік өкілдері.
Бастапқыда стадионның сыйымдылығы 30 мың орын болады деп жоспарланған еді. Алайда жоба қайта қаралып, жаңа рекорд орнату үшін сыйымдылық 35 мың адамға дейін ұлғайтылды. Бұл Қазақстандағы стадиондардың арасындағы ең үлкені болмақ.
Жаңа стадион спорттық инфрақұрылымды дамытуға, аймақтағы ірі іс-шараларды өткізу мүмкіндіктерін арттыруға ықпал етеді деп күтіліп отыр.
Қысқа да нұсқа. Жазылыңыз telegram - ға