Жаңалықтар

Ақтөбе облысында ТЖМ құтқарушылары қар құрсауынан екі адамды алып шықты

Фото: ТЖМ баспасөз қызметі

Фото: ТЖМ баспасөз қызметі 29.12.2024 10:39 392

Ақтөбе облысында ТЖМ құтқарушылары қар құрсауынан 2 адамды аман алып шықты, деп хабарлайды El.kz ақпарат агенттігі.

Ақтөбе облысы Байғанин ауданының Қарауылкелді ауылынан 20 шақырым жерде ауа-райының нашарлауына және қардың көп түсуіне байланысты жеңіл автокөлік қар үйіндісіне батып қалды.

Төтенше жағдайлар министрлігінің құтқарушылары арнайы техниканың көмегімен көлікті жолдың тазартылған учаскесіне сүйреп шығарып, ауылға дейін сүйемелдеді. Оқиға салдарынан ешкім зардап шеккен жоқ.

ТЖМ тұрғындарға дауылды ескертулерге назар аударып, ауа-райы нашарлаған жағдайда елді мекеннен тыс жерлерге жолға шықпауға кеңес береді.

Бөлісу: