Жаңалықтар

Ақтауда бір мектепте 7 егіз бірінші сыныпқа барды

Фото: Видеодан кадр

Фото: Видеодан кадр 05.09.2024 16:02 338

Ақтауда жаңа оқу жылында Қ.Бекжанов атындағы мектептің бірінші сыныбына жеті егіз қабылданды, деп хабарлайды El.kz ақпарат агенттігі.

Мектеп директоры Назира Ақбержанованың айтуынша, білім ордасында 0-11 сынып арасында отыз егіз оқушы білім алып жатыр.

Бұған дейін мектебімізде мұндай жағдай болмаған. Биыл біздің бірінші сыныбымызға 7 бірдей егізді қабылдадық. Жалпы мектепте 0-11 сынып аралығында отыз егіз оқиды. Егіз оқушыларымыздың білімге деген құштарлығы жоғары. Ұстаздарымыз оқушыларға сапалы білім және тәрбие беруде еңбек етіп жатыр, - деп атап өтті ол.

Қазіргі уақытта бұл мектепте 2213 бала білім алып жатыр.