Ақтау қаласының әкімі тағайындалды
![Ақтау қаласының әкімі тағайындалды Ақтау қаласының әкімі тағайындалды](/storage/storage/element/2024/07/16/mainphoto/112692/1200xauto_aF1hnbqqw6sip3ll4bnrhGQyBFpV3zSX0htrsxM3.jpg)
Бүгін, 16 шілдеде, аймақ басшысы Нұрдәулет Қилыбай Ақтау қалалық мәслихатының депутаттарына қала әкімі лауазымына үміткерді таныстырды. Ұл туралы облыс әкімінің баспасөз қызметіна сілтеме жасай отырып El.kz ақпарат агенттігі хабарлайды.
Бұған дейін қала әкімі болған Ұлықбек Тінәлиев өз еркімен қызметінен кеткен.
Қалалық мәслихат депутаттары ұсынылған кандидатураны қолдады. Маңғыстау облысы әкімінің өкімімен ҚР Президенті Әкімшілігінің келісімі бойынша Байпақов Әбілқайыр Жаңайұлы Ақтау қаласының әкімі қызметіне тағайындалды.
Әбілқайыр Байпақов 1978 жылы Маңғыстау облысы Шетпе ауылында дүниеге келген. Мемлекеттік және жергілікті басқару мамандығы бойынша жоғары білімі бар.
Осы жылдар ішінде облыстың мемлекеттік органдарында, оның ішінде Маңғыстау облысының ішкі саясат басқармасы мен мәдениет басқармасында, Ақтау қаласы, Түпқараған және Қарақия аудандары әкімі аппаратында, облыс әкімі аппаратында басшы, Баянды ауылының әкімі, «Каспий» ӘКК ҰК» АҚ директоры, Ақтау қаласы әкімінің орынбасары қызметтерін атқарған.
2023 жылдан бүгінгі күнге дейін Маңғыстау облысының Мәдениет, архивтер және құжаттама басқармасының басшысы болды.
Нұрдәулет Қилыбай Ақтау қаласы тұрғындарының әл-ауқатын жақсарту бағытында атқарған жұмысы үшін Ұлықбек Тналиевке алғыс айтып, Әбілқайыр Байпақовқа облыс орталығының әлеуметтік-экономикалық дамуына қатысты бірқатар нақты тапсырма берді.
![Telegram](https://el.kz/static/site/images/tel26.png)