Ақмола облысының Целиноград ауданында он күн бұрын із-түзсіз жоғалған ер өлі табылды, деп хабарлайды El.kz ақпараттық агенттігі.
Целиноград ауданының 29 жастағы тұрғыны Шыңғыс Мұстафинге биылғы жылғы мамырдың 3-інде іздеу жарияланған еді. Оны іздеуге тәртіп сақшыларымен бірге әскери қызметшілер, еріктілер, туыстары мен таныстары жұмылдырылды.
Мамырдың 12-сінде қабылдаған шаралардың нәтижесінде ер адамның денесі Сандықтау ауданының аумағынан табылды. Сот-медициналық сараптама тағайындалды, соның қорытындысы бойынша процессуалдық шешім қабылданады, – деді ПД баспасөз қызметіндегілер.
ПД баспасөз қызметі бейнебақылау камераларының көмегімен полиция қызметкерлері жоғалып кеткен ер адамның Сандықтау ауданы аумағына автокөлікпен келгенін, кейін көліктің Сандықтау ауылында тұрғанын анықтаған.
Қысқа да нұсқа. Жазылыңыз telegram - ға