Жаңалықтар

Ақмола облысында автокөлік пен пойыз соқтығысып, үш адам қаза болды

Фото: Wprost

Фото: Wprost 01.11.2024 14:53 144

Ақмола облысында автокөлік пен пойыз соқтығысып, үш адам қаза болды, деп хабарлайды El.kz ақпарат агенттігі.

Облыстық Полиция департаментінің баспасөз қызметінің мәліметінше, тағы үш адам түрлі жарақатпен Степногорск қаласындағы ауруханаға жеткізілді.

1 қарашаға қараған түні Степногорск–Заводской жолында "Audi B4" автокөлігі мен үш бос цистернасы бар локомотив соқтығысқан. Автокөлік жүргізушісі сол жерде жан тапсырған, екі жолаушы ауруханаға жеткізілгеннен кейін қайтыс болды, – делінген хабарламада.

Аталған оқиғаға қатысты тергеу жүргізіліп жатыр.

Бөлісу: