Әнші Нұржан Керменбаев сұхбат беру үшін гонорар сұрайтынын айтты

Танымал әнші Нұржан Керменбаев сұхбат бергені үшін гонорар төлеу керегін мәлім етті, деп хабарлайды El.kzақпараттық агенттігі.

Нұржан Керменбаев мәдениет министрі болған Дәурен Абаев пен өнер адамдарының бейресми кездесуі жайлы айтып берді.

“Гонорарсыз шықпаймын” деген дүниені қойып қойдым. Ондай нәрселерді ашық айта беру керек деп ойлаймын. Дәурен Абаев мәдениет министрі болып тұрған кезде өнер адамдарын Алматыда жинады. Кездесу бейресми түрде өтті. Камераға түсіріп жүрген мобилографтардан видеоға түсірмеуін өтінді. Ол біздің шешілмей жүрген мәселелерімізді тыңдады. Жиында Азамат Сатыбалды, Мәдина Сәдуақасова, Әли Оқапов, Жеңіс апайларымыз сынды өнер иелері жүрді. Бізді Жеңіс Сейдолла ағамыз шақырды. Негізі Дәурен Абаев – өнер адамдарының проблемаларын көтеріп, бейресми түрде жиын жасаған бірінші министр. Менің: “Әншілерге негізі ақша бөліне ме? Бізге жетпейді” деген сұрағыма ол: “Қалайша? Біз әншілерге ақша бөлеміз ғой” деп таңғалды. Негізі ақша бөлінеді екен, бірақ оны продакшндер өздігінше жұмсайтын көрінеді. Мұнде ешкімді айыптағым келіп отырған жоқ, – дейді Нұржан Керменбаев.

Әнші қазір телеарналарға шақырту алғанда гонорарын да келісіп алады.

Маған кейде продюсерлер: “Осындай ақымыз бар, бере аламыз. Келісе аламыз ба?” хабарласады. Сөз жоқ, барамын, қатысамын. Келісе алмасақ, бармаймын, – деді өнер иесі.

Қысқа да нұсқа. Жазылыңыз telegram - ға