Ангелина Лукас әлем чемпионы атағын қорғады
Ангелина Лукас IBO нұсқасы бойынша екінші жеңіл салмақтағы (52,1 кг) әлем чемпионы атағын сәтті қорғап қалды, деп хабарлайды El.kz интернет порталы.
Таразда өткен бокс кешінің басты жекпе-жегінде ол Чилиден келген қарсыласы Даниэла Асенхоны (17 жеңіс, 5 жеңіліс, 3 тең ойын, 2 нокаут) жеңді. Асенхоның бапкерлік тобы алтыншы раундтан кейін жекпе-жекті жалғастырудан бас тартты.
Бұл кездесу Лукас үшін өткен жылдың қазан айындағы жеңілістің есесін қайтару болды - сол кезде Ыстамбұлда төрешілердің ортақ шешімімен Асенхо жеңіске жеткен еді.
Оқи отырыңыз:
- Таиландтағы турнирде отандық боксшылар 12 медаль жеңіп алды
- Дзюдодан әлем чемпионатына қатысатын балуандар белгілі болды
Асенхо бұл жолы карьерасындағы бесінші жеңіліске ұшырады және алғаш рет кездесуді мерзімінен бұрын тоқтатуға мәжбүр болды. Ал Лукас үшін бұл — 15-ші жеңіс (оның 8-і нокаутпен), бір ғана жеңіліс бар.
28 жастағы Лукас IBO белбеуін алғаш рет 2024 жылдың қазан айында Бангкокта жеңіп алған болатын. Кейінгі үш жекпе-жекте ол бұл атақты қорғауға шықпаған еді.
Қысқа да нұсқа. Жазылыңыз telegram - ға
Оқи отырыңыз 
