Жылыту маусымы дегеніміз не және орталық жылыту жүйесіне қосылмаған болсаңыз жылдың осы уақытына қалай дайындалу керектігін қарастырайық, деп хабарлайды El.kz ақпарат агенттігі.
Индустриялық даму комитеті жылыту маусымына дайындықтың бірнеше маңызды кезеңді қамтитынын мәлімдеді.
Жылыту жүйесінің күйін тексеріңіз
Жылыту маусымы басталар алдында жылыту жүйесіне техникалық тексеру жүргізу ұсынылады. Радиаторлар мен құбырлардың жақсы күйде екеніне, ағып кетпейтініне немесе зақымдалмағанына көз жеткізіңіз. Қажет болса, жабдыққа техникалық қызмет көрсету және жөндеу үшін маманды шақырыңыз.
Мұржалар мен желдетуді тазалаңыз
Таза мұржалар мен желдету жүйелері жылыту жабдықтарының қауіпсіздігін қамтамасыз етеді. Маусым басталмас бұрын олардың бітеліп қалмағанына және жинақталған шөгінділердің жоқтығына көз жеткізіңіз.
Қыстың қамын жазда ойла : Отын жинаңыз
Егер сіздің жылыту жабдығыңыз қатты немесе сұйық отынмен жұмыс істесе, күн суығанға дейін отынның дайын болуын қадағалаңыз. Жылусыз қалу мен суық түндердің алдын-алу үшін жеткізілімге тапсырыс беріңіз немесе қажетті отынды алдын ала сатып алыңыз.
Термостаттарды орнатыңыз
Термостаттарды пайдалану энергияны үнемдеуге және бөлме температурасын оңтайлы ұстауға мүмкіндік береді. Күннің уақытына және басқа да маңызды факторларға байланысты жылуды автоматты түрде реттейтін бағдарламаланатын термостаттарды орнатуды қарастырыңыз.
Үйдің оқшаулауын тексеріңіз
Жылу мен энергияны үнемдеу үшін үйіңіздің оқшаулау күйін тексеріңіз. Қабырғалар мен шатырлардың бүтін екеніне көз жеткізіңіз.
Тұрақты техникалық қызмет көрсетудің маңыздылығы
Жылыту жүйесіне үнемі техникалық қызмет көрсету оның ұзақ және қиындықсыз жұмысының кепілі болып табылады. Жабдықты жыл сайынғы тексеру мен техникалық қызмет көрсетуді ұмытпаңыз, сонымен қатар жылыту құрылғыларының тазалығы мен дұрыс қолданылуын қадағалаңыз.
Алғашқы суықтың келуімен жылыту маусымының басталуы әрбір үй иесі мен кәсіпкер үшін өзекті мәселеге айналады. Үйіңізді маусым бойы жылы және жайлы ұстау үшін техникалық қызмет көрсету және пайдалану бойынша нұсқауларды орындауды ұмытпаңыз.