Елімізде жарты жылдың ішінде 785 адам коронавирус салдарынан мерт болды. Аталған статистиканы ҚР Денсаулық сақтау вице-министрі Вячеслав Дудник жария етті,– деп хабарлайды El.kz.

– Биыл 6 айда КВИ-дан 785 адам қайтыс болды. Өлім-жітім көбінесе қаңтар-ақпан айында болды. Атап айтқанда, қаңтарда коронавирус салдарынан 311 адам қайтыс болды, ақпанда - 411, наурызда - 54, сәуірде - 3, мамырда - 3, маусымда - 1 және шілде айында 3 пациент мерт болды, – деді Вячеслав Дудник орталық коммуникациялар қызметі алаңында өткен баспасөз мәслихатында.

Сондай-ақ, еліміздің бас мемлекеттік санитарлық дәрігері коронавирустан қайтыс болғандар туралы статистиканың күнделікті жарияланбауына қатысты түсінік берді.

– Маусымнан бастап коронавирус бойынша өлім-жітім азайды. Статистиканы күнделікті жариялаудың қажеті жоқ. Коронавирус жұқтырып, арты өлімге алып келген жағдайларға қатысты мәлімет бойынша министрлікке жүгінуге болады, – деді Айжан Есмағамбетова брифингіде.