Жетісуда жол апатынан бір адам қайтыс болды, деп хабарлайды El.kz ақпарат агенттігі.
Оқиға Кербұлақ ауданындағы Сарыөзек-Көктал автожолының 93-шақырымында болды.
21 жастағы Toyota Camry жүргізушісі рульді басқара алмай, көлік аударылған.
Оқиға орнында 35 жастағы жолаушы әйел қаза тапты. Тағы екі адам түрлі жарақаттармен аудандық ауруханаға жатқызылды. Аталған факті бойынша қажетті сараптамалар тағайындалып, тергеу амалдары басталды, - делінген полиция таратқан мәліметте.