Жетісу облысында қар құрсауында қалған жүргізуші құтқарылды, деп хабарлайды El.kz ақпарат агенттігі.
Алакөл ауданы Жалаңашкөл учаскесінде қарға батып қалған жеңіл автокөлік анықталды.
ТЖМ қызметкерлері қар басқан аумақтарды тексеру барысында көліктен бір адамды тауып, оны қауіпсіз жерге жеткізді. Жүргізушіге медициналық көмек қажет болмаған.
ТЖМ тарапы төтенше жағдай туындаған жағдайда 112 нөміріне қоңырау шалуды қаперге салады.