Петропавлда Сәтпаев көшесіндегі гараждың жерасты қоймасынан ес-түссіз жатқан 68 жастағы ер адам табылды. Есінен танған тұрғынды көршісі кездейсоқ байқап қалған, деп хабарлайды El.kz интернет порталы.
Ол дереу құтқарушыларға хабарлаған. Белгілі болғандай, ер адам гаражды бояп жатқан кезде оның өткір иісінен есінен танып қалған.
Құтқарушылар дереу эвакуациялауға кірісті. 1957 жылы дүниеге келген зейнеткер жедел және үйлесімді іс-қимылдың арқасында сыртқа шығарылып, дәрігерлерге тапсырыды.