Жемқорлардан тәркіленген қаражат жинақталатын Қор құрылған сәттен бастап есепшотына 151,6 млрд теңге түскен, деп хабарлайды El.kz ақпарат агенттігі.
Қордағы қаражат арқылы бүгінде еліміздің бірқатар өңірінде, сондай-ақ Астана, Алматы және Шымкент қалаларында 76 мың орынға шақталған (екі ауысымдық) 62 мектеп құрылысы қаржыландырылды, - делінген Үкіметтің мәліметінде.
Қордың қызметі мектептерді, қосалқы ғимараттарды және интернаттарды салу және қайта жаңғырту арқылы үш ауысымдық мектептер мен апатты оқу орындарының мәселелерін шешуге және жалпы білім беру мекемелеріндегі орын тапшылығын жоюға бағытталған.