Қарт адамдар үшін өмірдің соңына дейін жинақталған тәжірибені: белгілі бір адамгершілік және рухани құндылықтарды сақтау өте маңызды екені баршаға мәлім.
Өскемендегі Достық үйі – Қоғамдық келісім орталығы жанындағы «Жемчуга» клубы - жігерлі қарт адамдар нағыз шығармашылықпен айналысып, жаңа достар табатын орын.
Биыл құрылғанына 16 жыл толған Клуб мүшелерінің кездесулері ай сайын өткізіледі және олар әрдайым жарқын, әрі көңілді оқиғаларға толы.
Мұнда әркім өзінің «шығармашылық орнын» табады. Біреулер ән айтып, би билесе, енді біреулері көркемсөзен қызығады. Клуб қатысушыларының көпшілігі поэзияға әуестенеді. Әр түрлі авторлардың шығармаларымен танысып қана қоймай, өздері де өлең жазады.
Егер сіз бос уақытыңызды тиімді пайдаланып, жаңа ортамен танысқыңыз келсе, клубқа мүше болуға немесе әр айда өтетін кездесуге қатысып, шығармашылық ұжымдардың вокалдық композицияларын тыңдап, өзіңіз қоса ән айтуға шақырамыз, дейді клубтың мүшелері.
Бұл жерде әр түрлі шығармашылықпен айналысуға болады: вокал, би, кескіндеме, жазушылық, қолөнер және т.б. Сонымен қатар жаңа таныстармен үстел ойындарын ойнай отырып, тиімді, әрі қызықты уақыт өткізудің мүмкіндігі бар. «Жемчуга» клубы кемел жастағы кез келген адамның өмірін қызықты етіп, жан-жақты дамуына барынша үлес қосады.