Жасанды интеллект тек технологиялық жетістік қана емес, сонымен қатар табыс табудың жаңа көзіне айналып келеді. Соңғы жылдары ChatGPT, Midjourney, DALL·E, Sora сияқты құралдар пайда болғалы бері шығармашылық, бағдарламалау, медиа және бизнес салаларында бұрын-соңды болмаған мүмкіндік есігі ашылды. Сарапшылардың айтуынша, 2025 жылы ЖИ құралдарын кәсіби деңгейде игерген адамдар ай сайын жүздеген мың теңгеден бастап миллиондаған табысқа дейін жете алады.

Ендеше, ЖИ көмегімен нақты қандай жолдар арқылы табыс табуға болады? Мақалада осы сұраққа жауап береміз.

1. Контент жасау және сату

ЖИ құралдарын пайдаланып фото, видео, мәтін секілді түрлі контент түрлерін тез әрі сапалы дайындауға болады. Мысалы:

• Мәтін генерациясы: Copy.ai, ChatGPT, Jasper AI арқылы блог, жарнамалық мәтін, сценарий, хат, SMM пост жазуға болады.
• Сурет генерациясы: Midjourney, Leonardo.ai, DALL·E арқылы бірегей иллюстрациялар жасап, оларды stock платформаларда сату (Shutterstock, Adobe Stock).
• Видео генерациясы: HeyGen, Pika, Runway арқылы өнім таныстырылымы, тренинг бейнелері, әлеуметтік желі контентін жасау.
• Музыка мен дыбыс: Suno.ai, Soundraw, ElevenLabs құралдары — музыка мен дауысты автоматты генерациялау үшін қолданылады.

Осындай контентті Fiverr, Upwork секілді платформада қызмет ретінде ұсынуға немесе өз сайтыңыз арқылы сату жүйесін құруға болады.

2. Фриланс қызмет көрсету

ЖИ құралдарын игергендер үшін фриланс нарығы табыс көзіне айналуда. GPT-4 немесе Claude-пен жұмыс істей білетін адамдар үшін мына бағыттар ерекше сұранысқа ие:

• Prompt-жасаушы (prompt engineer) – ЖИ-ге дұрыс сұраныс құру арқылы қажетті нәтиже алуға үйрету.
• Контент-редактор – ЖИ жазған мәтіндерді кәсіби түрде өңдеу, бейімдеу.
• Маркетинг маманы – ЖИ арқылы жарнама кампанияларын жасау (таргет, email, SEO).
• Креатив маманы – идея генерациясы, науқан атауын ойлап табу, сторителлинг.

Fiverr, Freelancer, PeoplePerHour сияқты халықаралық фриланс платформаларда ЖИ-мен байланысты жобалар саны айтарлықтай өсіп келеді.

3. Онлайн курс, кітап, гайд сату

ЖИ құралдарын пайдаланып электронды кітаптар (eBook), оқу материалдары, видео курс дайындап, оларды Udemy, Gumroad, Teachable сияқты платформаларда сатуға болады. Мысалы:

• «ChatGPT арқылы контент жазу»
• «Midjourney көмегімен сурет сызу»
• «ЖИ арқылы пассив табыс көзі жасау жолдары»

Кейбір адамдар тіпті GPT көмегімен толық кітап жазып, Amazon Kindle арқылы сату жүйесін жолға қойған.

4. Жеке бренд пен консультация

ЖИ құралдарын жетік меңгерген маман ретінде өзіңізді нарықта жеке сарапшы ретінде көрсетуге болады. Бұл үшін:

• YouTube, TikTok, Instagram-да пайдалы видеолар шығару
• Telegram немесе Substack арқылы жазбалар жариялау
• ЖИ үйрету тренингтерін өткізу (оффлайн/онлайн)
• Компанияларға ЖИ енгізу бойынша кеңес беру

Мысалы, бір маман ЖИ құралдарын мектеп мұғалімдеріне үйретіп, ай сайын жүздеген мың табыс таба алады.

5. Микро-өнімдер жасау

ЖИ көмегімен дайын өнім жасау — бұл код білмейтін адам да жүзеге асыра алатын бағыт. Мысалы:

• GPT-плагиндер – арнайы бір салаға арналған чатбот.
• ЖИ шаблондар – SMM, CV, email, презентация шаблондары.
• AI сайт генераторлары – сайтты бір күнде жасап шығару (Framer AI, Durable).

Мұндай өнімдерді жеке веб-сайт арқылы не Gumroad сияқты платформаларда сату мүмкіндігі бар.

6. Кәсіпкерлікке ЖИ енгізу

Кәсіп иелері үшін ЖИ табыс көбейтудің тиімді құралы бола алады:

• Call-орталықты автоматтандыру
• Клиент хаттарын автоматты жазу
• Сату мен маркетинг анализін автоматтандыру
• Excel және PowerPoint құжаттарын жылдам дайындау

Бұл бағытта ЖИ-ді қолдану арқылы уақытты үнемдеу, қызмет сапасын арттыру және шығынды азайту мүмкіндігі пайда болады.

Жасанды интеллект тек мамандарға ғана емес, кез келген адамға жаңа табыс көзі бола алады. Ең бастысы — құралдарды игеру, тәжірибе жасап көру және өз дағдыңды нарыққа дұрыс ұсыну. Бұл салада тәжірибе мен шығармашылық қатар жүргенде табыс көзі көбейе береді.

Егер сіз ЖИ-ді жай қызығушылық емес, табыс көзіне айналдырғыңыз келсе — дәл қазір бастауға ең қолайлы уақыт.