Колумбияның Барранкилья қаласында 16 жасқа дейінгі ойыншыларға арналған жасөспірімдер шахмат Олимпиадасы өтті, деп хабарлайды El.kz интернет порталы.
Дүбірлі додада Қазақстан-2 құрамасы жарқын өнер көрсетіп, қола медальді жеңіп алды. Гроссмейстер Александр Моисеенконың басшылығымен команда құрамында өнер көрсеткендер:
FM Артём Богданов (рейтинг 2368);
FM Алдияр Жауынбай (2195);
CM Данис Қуандықұлы (2156);
WIM Зарина Нұрғалиева (2152).
Шешуші тоғызыншы турда Қазақстан-2 Колумбия-1 құрамасын 2½–1½ есебімен сенімді түрде жеңді. Артём Богданов Андрес Сантьяго Гарсон Камеломен ойынды тең аяқтады (½–½). Данис Қуандықұлы Сантьяго Лопес Районы жеңді (1–0). Зарина Нұрғалиева да Лопес Районы басып озды (1–0). Бұл жеңіс командаға 14 командалық ұпай, EMGSB (Cut-1) коэффициенті бойынша 260 балл және 25½ жеке ұпай әкеліп, үшінші орынға ие болды.
Қазақстан атынан екі құрама шықты. Гроссмейстер Борис Грачёвтің басшылығымен Қазақстан-1 құрамасы:
IM Сауат Нұрғалиев (2225);
FM Марк Смирнов (2265);
FM Алан Петухов (2310);
WIM Елназ Қалиахмет (2266).
Шахмат федерациясының мәліметінше, Қазақстан-1 12 командалық ұпай, 266,5 EMGSB баллы және 26½ жеке ұпай жинап, тоғызыншы орынға табан тіреді. Соңғы турда мына жұптар ойнады: FIDE-2 (2066) мен FIDE-1 (2396) – ½–3½, Италия (2159) мен Өзбекстан (2351) – 0–4, Канада (1973) мен Үндістан (2135) – 2–2.
Жеке есепте қазақстандық шахматшылар командалық қолаға тағы екі медаль қосты. Алан Петухов үшінші тақтада күміс жүлде иеленіп, турнирдің бесінші перформансын көрсетті – 2374. Перформанс бойынша үздік нәтижелер:
GM Савва Ветохин (FIDE-1) – 2484
GM Артём Усков (FIDE-1) – 2455
GM Иван Землянский (FIDE-1) – 2418
IM Мухаммадзохид Суяров (Өзбекстан) – 2391
Сауат Нұрғалиев бірінші тақтада қола жүлді жеңіп алды.
Қорытынды командалық есеп:
1. FIDE-1: 18 ұпай, 339 EMGSB, 30½ жеке ұпай;
2. Өзбекстан: 14, 287, 27;
3. Қазақстан-2: 14, 260, 25½;
4. Қытай: 14, 232, 24;
5. Үндістан: 13, 240,5, 24;
6. FIDE-2: 13, 224,5, 22½;
7. Куба-2: 13, 203, 21½;
8. Мексика: 13, 175, 20½;
9. Қазақстан-1: 12, 266,5, 26½.
Турнирге 41 елден 85 команда қатысты. Колумбия 30 команда, Перу – бес, Венесуэла мен Чили – үш командадан шығарды.
Еске салсақ, екі жыл бұрын Эйндховенде (Нидерланд) үздік қазақстандық команда Қытай, Түркия және Грекиядан кейін төртінші орынды иеленген еді. Қазақстан-2 құрамасының қола жүлдесі мен Барранкильяда алынған екі жеке медаль елдің жас шахматшыларының дамуын жалғастырып, әлемдік аренада сенімді түрде өздерін танытып келе жатқанын көрсетеді.