Бокс жайлы жазатын CFSportsClub Twitter-парақшасы жаңа жылда назар аудару керек былғары қолғап шеберлерінің тізімін жасады, деп хабарлайды El.kz ақпарат агенттігі.
CFSportsClub 2024 жылы назар аудару керек бес боксшының қатарына қазақстандық Жәнібек Әлімханұлын (15-0, 10 КО) да енгізген. Қалған төртеуі АҚШ боксшылары: Дэвид Бенавидес (28-0, 24 КО), Джарон Эннис (31-0, 28 КО), Флойд Скофилд (16-0, 12 КО) және Брюс Кэррингтон (10-0, 6 КО).
Естеріңізге сала кетейік, Жәнібек Әлімханұлы WBO және IBF нұсқалары бойынша әлем чемпионы. Бұған дейін отандасымыз 2024 жылы 160 фунтта абсолютті чемпион атануды жоспарлап отырғанын айтқан.