Мемлекетіміздің басты рәміздерінің бірі – Елтаңба. Мемлекеттің мәдени және тарихи дәстүрін бейнелейтін Елтаңбадағы әрбір символ сәулеті жағынан да, мағына жағынан терең ұғымға ие. Мемлекеттік Елтаңбаның авторы, белгілі сәулетші Жандарбек Мәлібеков El.kz жобасына мемлекеттік рәміздер күні қарсаңында сұхбат берді. Автор соңғы жылдары Елтаңбамыз жаңғырып, жаңа стандартқа ауысқанын әңгімелеп берді.
Жандарбек Мәлібеков – «Құрмет» ордені» мен «Тәуелсіздікке 10 жыл» медалінің иегері, Л.Гумилев атындағы Еуразия ұлттық университетінің профессоры, ақсақалдар алқасының мүшесі. Жандарбек аға егемен еліміздің азаттығын айғақтайтын Елтаңбада бейнеленген әрбір символ мен таңбаның мәні мен мағынасын кеңірек талдап, түсіндіріп берді.