Жанармай құю бекетінде болған жарылыстан 27 адам қаза тапты

Махачкаладағы жанармай құю бекетінде күшті жарылыс болып, салдарынан 27 адам қаза тапты, оның үшеуі балалар, деп хабарлайды  El.kz ақпарат агенттігі.

Шетелдің БАҚ-тың хабарлауынша, оқиға салдарынан 75 адам зардап шеккен. Құрбан болғандар саны 27. Қаза тапқандар қатарында 3 сәби бар.

Дағыстан Республикасының басшысы Сергей Меликовтың айтуынша, жанармай құю бекетіндегі жарылыс жергілікті уақыт бойынша 21:40-та (Астана уақыты бойынша 00:40) болған.

Қазіргі таңда өрт ауыздықталды. Төтенше жағдайлар министрлігі оқиға орнында аумақты тазарту жұмыстарын жүргізуде.

Ресей Федерациясының Тергеу комитеті Махачкаладағы жарылыс фактісі бойынша Ресей Федерациясының Қылмыстық кодексінің 238-баптың 3-бөлігі "Абайсызда екі немесе одан да көп адамның өліміне әкеп соққан тұтынушылардың өмірі мен денсаулығының қауіпсіздігі талаптарына сәйкес келмейтін қызметтерді көрсету" бойынша қылмыстық іс қозғады.