Гүлзира Айдарбекова кенже ұлы Заңғардың тойына дайындық басталғанын жазды, деп хабарлайды El.kz ақпарат агенттігі.
Жақында кіші ұлы Заңғардың "тәтті шайын" өткізген болатын. Болашақ құдаларымен танысқан продюсер келін түсіруге дайындық бастап кеткен.
"Жаңа келінге барлығын жаңадан алдық. Дайындалып жатырмыз. Қара қазан алдым. Жалпы үйдегі қазанды біреуге беруге, тастап кетуге болмайды. Жіңішке ғана келінге орташа оқтау алдық. Тойдың болатынынан боладысы қызық. Дайындық басталды", - деп жазды Гүлзира Айдарбекова Instagram парақшасында.