Желіде Жамбыл облысында танк автокөлікпен соқтығысып қалғаны түсірілген видео тарады, деп хабарлайды El.kz ақпарат агенттігі.
Қорғаныс министрлігі бұл оқиғаға қатысты түсініктеме берді.
2024 жылдың 28 тамызында Гвардейск гарнизоны «Мәтібұлақ» оқу-жаттығу полигонының аумағында жауынгерлік техниканың қозғалысы кезінде Mercedes маркалы автокөлігі жол жүру ережесін бұзып, Т-72 танкімен соқтығысқан. Әскери техника жүретін жерлерде «Танкке жол бер» белгісі қойылған, - делінген хабарламада.
Ведомство көлік жүргізушісі жеңіл жарақат алғанын, ешқандай шағымы жоқ екенін, өзін ауруханаға жатқызудан бас тартқанын хабарлады.