Жамбыл облысында балаларға қатыгездік көрсету фактісі бойынша тергеу аяқталды, деп хабарлайды El.kz интернет порталы.

ІІМ баспасөз қызметінің мәліметінше, ол балаларды жүйелі түрде ұрып-соққан.

Жамбыл облысы Талас ауданының тұрғынына қатысты екі кәмелетке толмаған баланы жүйелі түрде ұрып-соққаны үшін қозғалған қылмыстық іс тергеліп, айыптау актісімен бірге прокурорға жіберілді. Енді бұл істі сот қарайтын болады, - делінген мәліметте.

Еске сала кетейік, бұған дейін полиция күдіктіні дереу қолға түсіріп, ол қамауға алынған еді. Жапа шеккен балалар Тараз қаласындағы Балаларды қолдау орталығына орналастырылып, оларға қажетті психологиялық және құқықтық көмек көрсетілді.

Аталған қылмыстық істің тергеуі ішкі істер министрінің тікелей бақылауында болды, - деп қосты ведомство.